Já, það er spurningin, hvað er maður að gera vakandi á þessum tíma. Og maður er ekki einu sinni í glasi. Gengur ekki.
Annars er þetta kvöld (og nótt) búið að vera skelfilegt hvað varðar freistingar. Mig er ekki búið að dreyma um annað en MacDonalds hamborgara, KFC löðrandi í barbique sósu, dominos og stafla af skonsum með miklu beikoni, spældum eggjum og öllu þessu yrði drekkt í flóði af sírópi. Mmmmmm.
En já, ég má ekki við þessu, ekki ef maður segist vera í átaki. Þess vegna kom ég með plan. Ég hreyfi mig eins mikið og ég get þangað til loka Desember, vinn veðmálið við Sveinbjörn og eyði síðan öllum mínum tíma fram í September á næsta ári í að borða skonsur með beikoni, eggjum og flöskum af sírópi, síðan endurtek ég leikinn að ári liðnu. Þetta er eitthvað sem ég verð að íhuga vel og vandlega. En allaveganna, feiti þarf sinn megrunarsvefn þannig að öll 450 kílóin kveðja að sinni.